• Дата публикации: 07/03/2017 - 09:37
    Мазмұны:

      «Ұлттық ғылыми кардиохирургиялық орталық» АҚ директоры, профессор, ҚР Еңбек Ері Юрий Пя мен «Ұлттық нейрохирургиялық орталық» АҚ басқармасының төрағасы, медицина ғылымдарының докторы, профессор, «Қазақстанның Еңбек сіңірген қайраткері», ҚР Еңбек Ері Серік Ақшолақов Қызылорда облысына жасаған сапарларының екінші күні Байқоңыр қаласына келді. Байқоңыр қаласына сапарлары барысында олар Қызылорда облыстық медицина орталығының филиалы жұмыстарымен танысты.

      Облыстық медицина орталағы 2010 жылы пайдалануға берілді. Медициналық орталық Қазақстан Республикасының қаржысы есебінен салынды. Орталықта 80 орынға арналған перзентхана мен ауысымына 100 адамды қабылдайтын әйелдерге кеңес беру бөлімі бар. Құрылыстың бюджеті 1 млрд. теңгені құрады.

     «Бұл жерде облыстық медицина орталығы филиалының ашылуы – бұл үлкен қадам. Өйткені, бұл тек Байқоңыр қаласының кардиология саласы бойынша және жалпы медииналық көмекке зәру тұрғындарына ғана емес, қалаға жақын орналасқан аудан тұрғындарына да өте ыңғайлы шешім. Бұл теңдессіз үлес!», – деді Юрий Пя

     Әрі қарай қонақтар космонавтика мұражайымен танысып, «Союз НС» ғарыш кемесінің ұшырылуын тамашалады.

     

  • Дата публикации: 07/03/2017 - 09:24
    Мазмұны:

      «Союз-У» тасымалдағышының «Прогресс МС-05» кемесімен бірге ұшырылуы есепті уақытта өтті.

      Үшінші сатының жүк бөлігінен ажырауы Мәскеу уақыты бойынша 09:07. ХҒС түйісуі 24 ақпан Мәскеу уақыты бойынша сағат 11:34-ке белгіленген.

      Аталған ұшырылу «Союз-У» кемесі үшін соңғысы. Бұл тасымалдағыштар 1970 жылдан бастап ұшырыла бастаған. Бұларды заманауи «Союз-2» зымырандары ауыстырады.

      2016 жылдың 1 желтоқсанында «Союз-У» зымыранының «Прогресс МС-04» жүк бөлігімен бірлесіп ұшырылуы сәтсіз аяқталған болатын. Роскосмос «Союз-У» зымыраны багының апатты ашылуының басты себебі ретінде тотықтырғыш насосына бөгде заттардың тұрып қалғандығын айтты. Осыдан кейін соңғы ұшырылған зымыранның үшінші сатысының қозғалтқышы ауыстырылды.

  • Дата публикации: 07/03/2017 - 09:03
    Мазмұны:

        Байқоңыр қаласында пайдаланылмаған нысандарды кәдеге жарату бойынша пилоттық жоба басталды. Бұл туралы «Инфракос» РМК бас директоры Мағауия Ажмолдаев «Астана» телеарнасына берген эксклюзивті сұхбатында хабарлады.

        Республикалық кәсіпорын пайдаланылмаған нысандарды кәдеге жарату бойынша жобаны іске асырумен 25 жылдан бері айналысып келеді. Қаңтар айында қайта жөндеуге жататын 95 нысан есептен шығарылды. Олардың 66-сы  Роскосмостың, қалғаны Байқоңыр қаласының есебінде болған.

        Кәдеге жарату бағдарламасына 570 млн. теңге жұмсау жоспарланып отыр. Оның жартысын «Инфракос» өзінің үнемделген қаражатынан қаржыландырса, қалған жартысын «Роскосмос» қаржыландыратын болады. Жұмысты 1 маусымға дейін аяқтау жоспарланып отыр.

        «Құрылыс материалдарын бөлшектеу барысында қайта қолдануға келетіндерін алып қалуды іске асыра аламыз. Қатты қалдықтар полигонына біз тек қайта қолдануға жарамайтын қоқыстарды тастаймыз. Қалған құрылыс материалдарын барынша қолданамыз.Тіпті құрылыс қалдықтарын да жеке және заңды тұлғаларға құрылысқа пайдалунуға беруді іске асырамыз. Қазіргі таңда қалалық әкімшілігімен қалдықтарды бөгеттер жасау үшін төгуге келісіп жатырмыз,», – деді Мағауия Ажмолдаев.

        Оның айтуы бойынша, «Байқоңыр» кешенінде 381 нысан адам өмірі мен денсаулығына қауіпті, апатты деп танылған. Олардың барлығы бұзылып және кәдеге жаратылатын болады.

        20 сәуір күні Байқоңыр ғарыш кешенінен «Союз» ғарыш кемесінің ұшырылуы жоспарланып отыр. Осыған байланысты ресей билігі тарапынан туристерге Қазақстанның ғарыш кешені бойынша үш күндік тур ұсынылып отыр. Жолдаманың құны бір адамға 95000 рубль (525 000 теңге шамасында).

  • Дата публикации: 12/01/2017 - 15:42
    Мазмұны:

             11- қаңтар күні Байқоңыр қаласындағы «Академик С.А.Жиенқұлов атындағы Байқоңыр» колледжінде «ЭКСПО -2017» студенттердің ғылыми – шығармашылық көрмесі болып өтті. Іс-шараның мақсаты - ҚР Президенті «Қазақстан жолы – 2050: Бір мақсат, бір мүдде, бір болашақ» Жолдауы және Қазақстан Республикасында техникалық және кәсіптік білім беруді дамытудың 2011-2020 жылдарға арналған мемлекеттік бағдарламасы аясында жоғары кәсіби деңгейде жұмыс жасауға қабілетті, білікті және еңбек нарығына икемделе алатын жастар қатарын көбейтуге ықпал ету, ғылыми зерттеу жұмыстарына студенттерді тарту, қоғам мен еңбек нарығының өзгеріп отыратын қажеттіліктеріне қарай бейімделуге ықпалы болатындай жаңа технологияларды енгізу және тиімді пайдалану.

             Аталған іс – шараға ҚР Парламенті Мәжілісінің депутаттары Бақытбек Смағұл, Абзал Ералиев, Әлия Сапарова, Геннадий Шиповский, «Нұр Отан» партиясы Қызылорда облыстық филиалы төрағасының орынбасары Әділбек Ерсұлтанов, ҚР Президентінің «Байқоңыр» кешеніндегі арнаулы өкілінің қызметін қамтамасыз ету басқармасы басшысының орынбасары Мырзабек Демесінов, «Нұр Отан» партиясы Байқоңыр Байқоңыр филиалының төрағасы Кенжебек Үйреков, «Нұр Отан» партиясы Байқоңыр филиалы төрағасының бірінші орынбасары Әнуар Дәуленбаев, Байқоңыр қалалық  өзін-өзі басқару кеңесінің төрағасы  Михаил Москалев, «Қоғамдық келісім» КММ-нің этносаралық қатынастар жөніндегі сарапшысы Пралиева Ақнұр және  «Нұр Отан» партиясынан сайланған облыстық және аудандық мәслихат депутаттары, бастауыш партия ұйымдарының төрағалары, колледж ұстаздары мен студенттері қатысты.

            Көрмеге 9 жоба қатысты. 9 жобаның ішінен «Магниттік сақтандырғыш» жобасын қорғаған «Академик С.А.Жиенқұлов атындағы Байқоңыр» колледжіндең 1 курс студенті  Ерлан Нұрмағанбетовтің жобасы (жетекшісі: Дастанова Д.) ең үздік жоба деп танылды.

            Сонымен қатар осы халық қалаулыларымен болған кездесуде жиналған көпшілік тарапынан көкейде жүрген бірқатар мәселелер жөнінде де сұрақтар қойылды. Мысалы, аудандық мәслихат депутаты Ғалымжан Ұзақбаев Байқоңыр қаласындағы ҚР азаматтарын Ресейлік емдеу мекемелері сақтандыру полисінсіз қарамайтындығы, сондықтан осы Байқоңыр қаласындағы Облыстық Медицина Орталығының ішінен емхана ашу жөнінде өз ұсынысын білдірді. Ал аудандық мәслихат депутаты Жұмагүл Тілеуқабылова ҚР жаңадан құрылған білім беру стандартына сәйкес болу үшін Байқоңыр қаласындағы бір ғана қазақ балабақшасы аздық ететіндігін тілге тиек етті. «Ақай» бастауыш партия ұйымының төрағасы Пазылбек Төлемісов Байқоңыр қаласындағы тұрғын үйлерді жекешелендіру мәселесін көтерсе, колледж оқытушысы Д.Дастанова қаламызда жастар сарайы мен неке сарайының жоқтығын жеткізді.

  • Дата публикации: 12/01/2017 - 15:29
    БАЙҚОҢЫРДА «ЭКСПО -2017» СТУДЕНТТЕРДІҢ ҒЫЛЫМИ-ШЫҒАРМАШЫЛЫҚ КӨРМЕСІ ӨТТІ.
    Мазмұны:

         Биыл міне, Қазақстанның тәуелсіз, егеменді ел ретінде танылып отырғанына 25 жыл толып отыр. Тәуелсіздік сияқты ұлттық мерекені бүгінгі таңда қазақ халқы салтанатты түрде тойлап келеді.

         Биыл да егемендігімізге арналып ұйымдастырылған салтанатты іс-шара Байқоңыр қалалық мәдениет үйінде өтті. Мереке еліміздің әнұранының шырқалуымен ашылды. Содан соң,  қала әкімі Анатолий Павлович Петренко және Қармақшы ауданының әкімі С.Мақашов байқоңырлықтарды ұлттық мерекемен құттықтап сөз сөйледі.

        Ұлттық мерекеміз Тәуелсіздік күні құрметіне бірқатар Байқоңырлық қызметкерлерді марапаттады.

        Сонымен қатар, ҚР министрлігінің, облыс әкімі Қырымбек Елеуұлы Көшербаевтың, Қазақстан Республикасы Президентінің арнаулы өкілі С.Қожаниязовтың Алғыс хаттарымен қаламыздың сан-салалы қызметтерінде ерен еңбектерімен ерекшеленіп жүрген азаматтар марапатталды.

        Тәуелсіздік күніне орай ұйымдастырылған мерекелік концертте күмбірлеген күй, әсем әуезді ән, мың бұралған бишілердің биі де болып, келген қонақтарға әсерлі көңіл-күй сыйлады.

         Салтанатты іс-шара қалалық мәдениет үйінің талантты жастарының орындауындағы «Қазақ елім» атты әнімен тәмамдалды.

  • Дата публикации: 02/12/2016 - 09:44
    Мазмұны:

             30 қараша күні қалалық мәдениет үйінде Тұңғыш Президент күні мерекесіне орай салтанатты кеш аталып өтті.

             Салтанатты кеш Қазақстан Республикасының мемлекеттік әнұранымен басталды.

             Салтанаттың ресми бөлігін Байқоңыр қаласы әкімшілігінің басшысы міндетін атқарушы Николай Адасев ашты.

    Қазақстан Республикасы Президентінің «Байқоңыр» кешеніндегі арнаулы өкілі Серік Қожаниязов байқоңырлықтарды мемлекеттік мерекемен құттықтап, оларға бейбітшілік, бақыт  және ұлы Қазақстанның өркендеуінде жаңа жетістіктерге жетуді тіледі. Қазақстан президентінің Тұңғыш күніне орай адал еңбегі және қызылорда облысы мен Байқоңыр қаласының екі жақты қатынастарының дамуына өз үлесін қосқан кешеннің және қала кәсіпорындарының бірқатар қызметкерлері құрмет грамотасымен және ҚР қорғаныс және аэроғарыш өнеркәсіп министрлігінің және Қызылорда облысы әкімдігінің алғыс хаттарымен марапатталды. Марапатталғандар қатарында «Байқоңырэнерго» МУК, «Горводоканал» МУК, «Тұрғын үй шаруашылығы» МУК, «Газ шаруашылығы» МУК, «Южный ғарыштық орталағы» ЦЭНКИ филиалы, Байқоңыр қаласындағы ҚР ІІМ өкілдігі, «Прогресс» ЗҒО Байқоңыр филиалы және Қазақстан Республикасы Президентінің «Байқоңыр» кешеніндегі арнаулы өкілінің қызметін қамтамасыз ету басқармасының қызметкерлері болды.

            Кештің ресми бөлігінен кейін қалалық мәдениет үйінің шығармашылық ұжымы әзірлеген мерекелік концерт өтті.

            Концерттік бағдарлама мәдениет үйінің солистерінің орындауында «Менің Қазақстаным» әнімен аяқталды.

  • Дата публикации: 02/11/2016 - 16:16
    Әлеуметтік қорғау жүйесі қызметкерлерінің күні.
    Мазмұны:

                 31 қазан күні сағат 17.00-де Байқоңыр қаласы «ҚазҒарышСапары» ғимаратының мәжіліс залында Қазақстан халқы Ассамблеясы, ҚР Президентінің «Байқоңыр» кешеніндегі арнаулы өкілінің қызметін қамтамасыз ету басқармасы, «Нұр Отан» партиясы Байқоңыр қалалық филиалы мен «Жастар ресурстық орталығы» Байқоңыр қалалық бөлімшесінің ұйымдастыруымен қазан айының сонғы жексенбісі-Әлеуметтік қорғау жүйесі қызметкерлерінің күніне орай мерекелік кеш өткізілді. Шара барысында үздік қызметкерлер құттықтау грамоталарымен марапатталып, әлеуметтік қорғау жүйесі қызметкерлеріне гүл шоқтары табысталды.

  • Дата публикации: 02/11/2016 - 15:04
    Байқоңыр қаласында «Қоғамдық медиация» тақырыбында семинар-тенинг өткізілді.
    Мазмұны:

    2016 жылы 26 қазан күні Байқоңыр қаласында «Байқоңыр қаласы, Төретам, Ақай елді-мекендері бойынша ҮЕҰ-ды дамытуға бағытталған ресурстық орталық жұмысын ұйымдастыру» әлеуметтік жобасы аясында «Байконур за гражданские права» қоғамдық бірлестігі «Гражданский Альянс Кызылординской области» Ассоциациясымен бірге «Қоғамдық медиация» тақырыбында семинар-тренинг өткізілді. Іс-шара Байқоңыр қаласындағы Қазақстан Республикасы Президентінің арнаулы өкілі аппаратының ұйымдастырушылық-әдістемелік қолдауымен өткізілді.

    Семинардың мақсаты:, Қазақстанда тараптардың татуласу институттарының дамуы, медиация туралы, медиацияның артықшылықтары туралы, сонымен қатар, 2011 жылы 28 қаңтардағы «Медиация туралы» Қазақстан Республикасы Заңының қабылдануымен азаматтық және қылмыстық заңнамаларға толықтырулар және өзгертулер енгізілгені туралы Байқоңыр қаласы, Төретам, ақай елді мекендерінің тұрғындарына түсіндірме жұмыстарын жүргізу болып табылады.

    Семинарға атқарушы билік өкілдері, құқық қорғау органдарының қызметкерлері, қалалық сот және прокуратура, Төретам елді мекенінің медиаторлары, ҮЕҰ өкілдері және Байқоңыр қаласының азаматтары шақырылды.

    Алматы қаласындағы «Правозащитный центр» қоғамдық бірлестігінің кәсіби медиаторы Ахметова Күлбарам Әлиәкімқызы баяндама жасады. Медиатор Күлбарам Әлиәкімқызы өз баяндамасында заңнаманы жетілдіру бойынша мемлекеттегі тұрақты жүргізілген жұмыстар туралы, уәкілетті мемлекеттік органдардың қызметінің тиімділігін арттыру, медиация институтын азаматтық-құқықтық дауларды және қылмыстық-құқықтық қақтығыстарды шешуге жалпы құқықтық саясатқа тиімді балама әдіс ретінде енгізу қажеттігін атап өтті.

    Семинарда Байқоңыр қаласының тұрғындары азаматтардың еңбек құқықтарын қорғау журалы әлеуметтік маңызды сұрақтар қойды, семинарды жүргізуші кәсіби медиатор Күлбарам Әлиәкімқызы қойылған сұрақтарға түсініктеме берді.

    Дауларды шешуде медиаторлармен халықтар арасында өзара түсінушілік, жылы қарым-қатынас орнайтындығы және қоғамның жағдайы тек жақсаратыны сөзсіз.

  • Дата публикации: 02/09/2016 - 10:45
    Байконыр отметил  День Конституции РК
    Мазмұны:

       

         2016 жылы 29 тамызда қалалық мәдениет үйінде Қазақстан Республикасының Конституция күніне арналған мерекелік концерттік бағдарлама және салтанатты жиын өтті.

         Осындай қазақстандықтар үшін елеулі мемлекеттік мерекемен Байқоңыр қаласының тұрғындарын Қазақстан Республикасы Президентінің «Байқоңыр» кешеніндегі арнаулы өкілінің қызметін қамтамасыз ету басқармасының басшысы Б.Бекпанов, Қармақшы ауданы әкімінің орынбасары Ә. Қошалақов және қалалық әкімшіліктің Басшысы А.Петренко құттықтады.

         Байқоңыр қаласының әлеуметтік-экономикалық дамуына үлес қосқан қызметкер Кацука Халида Қызылорда облысы әкімінің атынан құрмет грамотосымен марапатталды.

         Сонымен қатар, осы мерекеге орай Қазақстан Республикасының құқық қорғау органдарының қызметкерлері және басқа қазақстандық құрылымдар Қызылорда облысы әкімінің алғыс хатымен аталып өтті.

         Салтанаттың ресми бөлімінен кейін қалалық мәдениет үйінің шығармашылық ұжымымен дайындалған мерекелік концерт болды.

  • Дата публикации: 01/06/2016 - 16:19
    VII «Байқоңыр инвест» инвестициялық форумға байқоңырлық делегаттар қатысты
    Мазмұны:

            2016 жылы 27-28 мамыр күндері Қызылорда қаласында VII «Байқоңыр инвест» инвестициялық форумы өтті. Оған қазақстандық бизнес және қаржы институттардың өкілдері қатысты. Форумға Байқоңыр қаласы әкімшілігінің Басшысы Анатолий Петренко бастаған Байқоңыр қаласы әкімшілігінің делегаттары белсенді қатысқанын атап айтқан жоқ.

          Форум қонақтарына арнап «Қызылорда облысының инвестициялық жобалары» тақырыбында 26 жоба ұсынылған көрме ұйымдастырылды. Форум аясында «Қызылорда облысындағы шағын және орта бизнестің даму перспективалары», «Коорпарациялардағы АӨК болашағы», «Жаңа жағдайдағы мемлекеттік-жеке серіктестіктің даму болашағы», «Қызылорда қаласы және Байқоңыр қаласындағы туристік саланың даму болашағы» атты жұмыс секциялары болып өтті.  Секциялық жұмыстар кезінде агроөнеркәсіп кешенін дамытуға қатысты, мемлекеттік-жекеменшік әріптестік, шағын және орта бизнесті, облыста туризмді дамыту мәселелері қаралды. Сонымен қатар, әріпстетік қатынасты нағайту мақсатында бірқатар меморандумдарға қол қойылды. 

         Форумның жалғасы 28 мамыр күні форум Байқоңыр кешенінде өтті. Инвестициялық форумның қатысушылары  Байқоңыр кешеніне кіріп, ғарыш айлағы кешеніндегі мұражайда болды.

Беттер

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика