• Дата публикации: 13/01/2020 - 10:49
    , , , , ,
    Мазмұны:

    Бүгін Қазақстан Республикасы Парламенті Мәжілісінің депутаттары Бахытбек Смағұл, Геннадий Шиповских Байқоңыр өңірінде жұмыс сапарымен келіп, Төретам кенті клубында тұрғындармен кездесу өткізді.

    Кездесуге облыстық, аудандық мәслихат депутаттары, мекеме-кәсіпорын басшылары, білім, денсаулық сақтау және әлеуметтік сала қызметкерлері, кент, ауыл тұрғындары қатысты.

    Кездесу барысында ҚР Парламент Мәжілісінің әлеуметтік-мәдени даму комитетінің мүшесі Смағұл Бахытбек Парламент қабырғасында атқарылып жатқан жұмыстар, қабылданған заңдар мен алдағы уақытта депутаттардың назарына ұсынылатын жобалар төңірегінде кеңінен әңгімелеп берді.

    Геннадий Шиповских әлеуметтік мәселелер туралы және әлеуметтік желілерде жиі талқыланған мәселелер бойынша жөнінде түсіндірме жасады. Әсіресе халық қалаулысы жақында ғана қабылданған «Педагог мәртебесі туралы» заңға ерекше тоқталды.

    Жиынға қатысқан тұрғындар мен ауыл ардагерлерінің сұрақтарына Парламент Мәжілісінің депутаттары жауап беріп, өздерінің ой-пікірлерін білдірді.

    Кездесу соңында кент ардагері Балжаев Шакен ҚР Парламенті Мәжіліс депуттарына алғысын айтып, жиналған тұрғындарға батасын берді.

    Байқоңыр өңіріне жұмыс сапары барысында Мәжіліс депутаттары №274 орта мектеп жұмысымен танысып, мектеп оқушыларымен сұхбаттасты.

    Сонымен қатар, 7а мөлтек ауданында жаңадан салынған үйлерден бөлінген қызметтік пәтерлер және Байқоңыр қаласының көпбейінді ауруханасының жұмысымен танысты.

  • Дата публикации: 13/01/2020 - 10:29
    , , ,
    Мазмұны:

    Халықаралық «Қазақ тілі» қоғамдық бірлестігінің Байқоңыр филиалының төрайымы Сыражанова Қ. қорытынды жиналысты ашып, жыл көлемінде атқарылған жұмыстарға тоқталып өтті. Сонымен қатар, жыл көлемінде жүргізілген жұмыстар бойынша мекемелердегі бастауыш ұйымдарының жұмыстарына тоқталып, өздерінің белсенділігімен көзге түскен бірқатар оқушылар марапатталды.

    Басқарма басшысының алғыс хаттарымен мекемелердегі бастауыш ұйымдарының төрайымдары марапатталды. Халықаралық «Қазақ тілі» қоғамдық бірлестігінің Байқоңыр филиалының жылдық қорытындысы бойынша Байқоңыр қаласының көп бейінді ауруханасы үздік бастауыш ұйымы «Дипломымен» марапатталды.

    Шара барысында аудандық мәслихат депутаты Е.Рзалиев, «Аналар кеңесі» төрайымының орынбасары Ш.Махмутова қатысып отырған мектеп оқушыларын бағалы сыйлықтармен марапаттап, Жаңа жылдарымен құттықтады.

  • Дата публикации: 24/12/2019 - 15:55
    Мазмұны:

    23 желтоқсан 2019 жыл, Байқоңыр қаласы әкімшілігінің құрылғанына 25 жыл толды.

    Байқоңыр қаласының әкімшілігі 1994 жылдың 23 желтоқсанынан бастап құрылды. Бұл күні Қазақстан Республикасының Президенті мен Ресей Федерациясы Президентінің "Ленинск қаласы әкімшілігінің басшысын тағайындау туралы" шешімге қол қойылған болатын. Бұл шешім 1994 ж. 28 наурыздағы «Байқоңыр» ғарыш айлағын пайдаланудағы ҚР мен РФ арасындағы негізгі қағидаттары мен шарттары туралы» Келісімге сәйкес қабылданды.

    Қала әкімшілігінің өкілеттігі Қазақстан Республикасы мен Ресей Федерациясы арасындағы «Байқоңыр қаласының мәртебесі, оның атқарушы өкімет органдарын құрудың тәртібі мен мәртебесі туралы» Келісімде айқындалған.

    Байқоңыр қаласы әкімшілігінің басшысы Қазақстан Республикасы Президенті мен Ресей Федерациясының Президентінің бірлескен шешімімен тағайындалады.

    Байқоңыр қаласы әкімшілігінің басшылары - 1994 жылдан 2001 жылға дейін Геннадий Дмитриевич Дмитриенко болды, 2002 жылдан 2013 жылға дейін Александр Федорович Мезенцев; 2013 жылдан 2017 жылға дейін Анатолий Петренко.

    2017 жылдың маусым айында Байқоңыр қаласы Әкімшілігінің Басшысы болып Константин Дмитриевич Бусыгин тағайындалды.

  • Дата публикации: 18/12/2019 - 10:03
    , , , , ,
    Мазмұны:

    Байқоңыр қаласының қалалық мәдениет үйінде 16 желтоқсан – Қазақстан Республикасының Тәуелсіздік күні және 12 желтоқсан Ресей Федерациясының Конституция күні мерекелеріне арналған салтанатты іс-шара ұйымдастырылды.

    Салтанатты іс-шараның ресми бөлігінде Қазақстан Республикасы Президентінің "Байқоңыр" кешеніндегі арнаулы өкілінің қызметін қамтамасыз ету басқармасы бастығының орынбасары Мырзабек Демесинов және қала әкімшілігі Басшысының м.а. Виктор Лопаткин байқоңырлықтарды мемлекеттік мерекемен құттықтап, оларға Қазақстан мен Ресейдің өркендеуі үшін жаңа жетістіктер, бейбітшілік, жақсылық, амандық тіледі.

    Сонымен қатар, іс-шара барысында бірқатар сала үздіктеріне облыс әкімінің алғыс хаттары табысталды.

    Іс-шара қалалық мәдениет үйінің шығармашылық ұжымдары дайындаған мерекелік концертпен жалғасты.

  • Дата публикации: 18/12/2019 - 09:56
    Мазмұны:

    Қазіргі таңда Төретам кенті және Ақай ауылдық округі тұрғындарының Байқоңыр қаласына кіріп-шығу үшін қажетті рұқсаттама алу мәселесі басты назарда. Сондықтан, бұл мәселе бойынша Басқарма басшысы, Байқоңыр қаласының прокуроры, Төретам кенті және Ақай ауылдық округі әкімдерінің қатысуымен кездесу өткізілді. Кездесу барысында, әкімдік қызметкерлеріне мәселені назарға алып, әкімдік жұмысының уақытылы ұйымдастырылуы тапсырылды.

    ҚР Үкіметінің 2019 жылғы 30 қыркүйектегі №726 Қаулысына сәйкес «Тұрғылықты жерінен мекенжай анықтамаларын беру» мемлекеттік көрсетілетін қызметі 2019 жылы 1 қарашадан бастап қолданыстан алынуына байланысты, Басқарма тарапынан Байқоңыр қаласы әкімшілігімен Төретам және Ақай елді мекендері тұрғындарына рұқсаттама алу процесін жеделдету үшін мекенжай анықтамасын сұратпау жөнінде келісілді.

    Сонымен қатар, Байқоңыр қаласы әкімшілігінің 2019 жылдың 31 желтоқсанынан бастап 2020 жылдың 9 қаңтарына дейінгі аралықта мерекелік демалыста болатынан ескере отырып, елді мекен тұрғындарына кент, ауылдық округ әкімдіктері арқылы 2019 жыл соңына дейін рұқсаттама әзірлеу қажеттігін ескертеміз!

  • Дата публикации: 18/12/2019 - 09:49
    Мазмұны:

    Бүгін облыс әкімі Қ.Ысқақов баспана кезегінде тұрған байқоңырлықтарға тұрғын үй кілттерін табыстады. Бұл көпқабатты тұрғын үйлердің жалпы ауданы 15 мың 700 шаршы метрді құрайды. 5 үй мен инженерлік инфрақұрылым үшін 2,1 млрд теңге қаржы бөлінген.

    Көпқабатты тұрғын үйлерді пайдалануға беру салтанатына облыс әкімімен бірге облыс әкімінің орынбасары, ҚР Президентінің «Байқоңыр» кешеніндегі арнаулы өкілі Б.Намаев пен Байқоңыр қаласы әкімшілігі басшысының міндетін атқарушы В.Лопаткин де қатысты. Нысанның құрылыс-монтаж жұмыстарын қаржыландыру «Нұрлы жер» бағдарламасы аясында жүзеге асырылған. Жылу және ыстық сумен қамтамасыз ету үшін табиғи газбен автономды бу қазандығы орнатылған. Бүгінгі күні Байқоңыр қаласында пәтер кезегіне 1252 адам тіркелген.

    Баспаналы болған жұлдызды қалашық тұрғындарын құттықтаған аймақ басшысы, бұл Байқоңырда соңғы 30 жылда салынған алғашқы тұрғын үй құрылысы екенін атап өтті.

    " Келесі 2020 жылы осы жақсы бастаманы одан әрі жалғастырып, тағы бес көқабатты тұрғын үй салуды жоспарлап отырмыз. Бүгінде осы қалада тұрып, әр салада еңбек етіп жатқан елу мыңға жуық қазақстандық азаматтар бар. Бірнеше жылдан бері кезекте тұрған жерлестеріміз баспаналы болып, тұрмыс жағдайын жақсартып, үлкен қуанышқа бөленуде. Жұлдызды қаланы жаңа нысандармен толықтырып, жаңарту идеямызға қолдау көрсетіп, алғашқы тұрғын үйлердің құрылысын бастаған барлық құрылыс компанияларына және жұмысшылардың еңбектеріне қала тұрғындарының атынан алғысымызды айтамыз. Қоныстарыңыз құтты болсын ",- деді облыс әкімі Қ.Ысқақов.

  • Дата публикации: 18/12/2019 - 09:49
    , , ,
    Мазмұны:

    Бүгін облыс әкімі Қ.Ысқақов баспана кезегінде тұрған байқоңырлықтарға тұрғын үй кілттерін табыстады. Бұл көпқабатты тұрғын үйлердің жалпы ауданы 15 мың 700 шаршы метрді құрайды. 5 үй мен инженерлік инфрақұрылым үшін 2,1 млрд теңге қаржы бөлінген.

    Көпқабатты тұрғын үйлерді пайдалануға беру салтанатына облыс әкімімен бірге облыс әкімінің орынбасары, ҚР Президентінің «Байқоңыр» кешеніндегі арнаулы өкілі Б.Намаев пен Байқоңыр қаласы әкімшілігі басшысының міндетін атқарушы В.Лопаткин де қатысты. Нысанның құрылыс-монтаж жұмыстарын қаржыландыру «Нұрлы жер» бағдарламасы аясында жүзеге асырылған. Жылу және ыстық сумен қамтамасыз ету үшін табиғи газбен автономды бу қазандығы орнатылған. Бүгінгі күні Байқоңыр қаласында пәтер кезегіне 1252 адам тіркелген.

    Баспаналы болған жұлдызды қалашық тұрғындарын құттықтаған аймақ басшысы, бұл Байқоңырда соңғы 30 жылда салынған алғашқы тұрғын үй құрылысы екенін атап өтті.

    " Келесі 2020 жылы осы жақсы бастаманы одан әрі жалғастырып, тағы бес көқабатты тұрғын үй салуды жоспарлап отырмыз. Бүгінде осы қалада тұрып, әр салада еңбек етіп жатқан елу мыңға жуық қазақстандық азаматтар бар. Бірнеше жылдан бері кезекте тұрған жерлестеріміз баспаналы болып, тұрмыс жағдайын жақсартып, үлкен қуанышқа бөленуде. Жұлдызды қаланы жаңа нысандармен толықтырып, жаңарту идеямызға қолдау көрсетіп, алғашқы тұрғын үйлердің құрылысын бастаған барлық құрылыс компанияларына және жұмысшылардың еңбектеріне қала тұрғындарының атынан алғысымызды айтамыз. Қоныстарыңыз құтты болсын ",- деді облыс әкімі Қ.Ысқақов.

  • Дата публикации: 18/12/2019 - 09:43
    , , , ,
    Мазмұны:

    Басқармамен 2019 жыл – «Жастар жылына» орайластырылған «Жаңа леп, жаңа толқын» тақырыбында қаланың студенттерімен, жас мамандармен, жалпы жастармен кездесу ұйымдастырылды.

    Кездесудің басты мақсаты – Байқоңыр өңіріндегі жастарды еңбексүйгіштікке, жауапкершілікке, ауызбірлікке баулып, патриоттық, спорттық тәрбие беріп, отбасылық құндылықтарды сақтауға тәрбиелеу.

    Кездесуге ұшқыш, ғарышкер, жерлесіміз Аймаханов Мұхтар Рабатұлы, «Business hub» жас кәсіпкерлерге арналған жобаның жетекшісі Оразмаханов Жандос Шынжырбайұлы, «Байқоңыр» кешеніндегі «Бәйтерек» Қазақстан-Ресей бірлескен кәсіпорны АҚ филиал директоры Анаров Мақсат Жақсылықұлы, облыстық «Жастар ресурстық орталығы» КММ-нің директоры Мастеков Бауыржан Қайырбекұлы, облыстық «Дін мәселелерін зерттеу орталығының» қызметкері Кенесбеков Қожахмет Дінмұхамедұлы қатысты.

    Аталған кездесуге Байқоңыр қаласы, Төретам және Ақай елді мекендері жастары, РФ және ҚР білім беру ұйымдарының студенттері, пробация қызметінің тізімде тұрған жастар қатысты.

    Кездесу барысында М.Аймаханов кездесуге қатысушылардың сұрақтарына жауап беріп, ұшқыш, ғарышкер өзінің еңбек жолы жөнінде айтып берді.

    «Бәйтерек» Қазақстан-Ресей бірлескен кәсіпорны АҚ «Байқоңыр» кешеніндегі филиалының директоры М. Анаров еңбек жолы мен жетістіктері туралы баяндап, жастарды білім алуға шақырды. Бұдан бөлек, «Business hub» жас кәсіпкерлерге арналған жобаның жетекшісі Ж.Оразмаханов жиналғандарға жаңадан кәсіп ашу жөнінде және мемлекеттік бадарламаларға түсіндірме берді. Сонымен қатар, жиналғандарға «Business hub» жас кәсіпкерлерге арналған жобаның жеңімпаздары Кайдаулова Айшолпан мен Абдигалиев Сабырхан сөз сөйлеп, кәсібін ашу үшін мемлекет тарапынан көрсетіліп жатқан қолдауларға тоқталып өтіп, жастарды өз кәсіптерін ашуға шақырды.

    Кездесу барысында жастар сұрақтарын қою арқылы еркін пікір алмасты.

    Жиын соңында жастарды марапаттау рәсімі өтіп, қатысушылар естелік суретке түсті.

  • Дата публикации: 18/12/2019 - 09:37
    Мазмұны:

    Газдың қауіпті екенін бәрі де біледі, алайда оны ұзақ уақыт бойы пайдалануға үйреніп, қауіпсіздік шараларын естен шығарып алады.

    Табиғи газды тұрмыста пайдалану адамдардың өміріне қауіп төндірмес үшін Тұрмыста газды пайдалану ережелері талаптарын қатаң сақтау қажет. Аталған Ережелермен тұтынушыларды газ шаруашылығы қызметкерлері пәтерлерді немесе жеке үйлерді газ жүйелеріне қосу барысында таныстырады.

    Тұтынушылар газ құрылғыларының, жылыту пештері мұржаларының қалыпты жұмыс істеуін қадағалап отыруға тиіс, ал пайдалану аяқталғаннан кейін газ құрылғысының крандарын жауып қою қажет.

    Қысқы-көктемгі кезеңде сыртқы ауа температурасы мен жел жылдамдығының күрт өзгеруінен мұржалардың жиектеріне мұз қатып, ішіне басқа заттар түсуі мүмкін. Сол себептен түтіннің тартуы нашарлап немесе кері шығуы мүмкін. Түнгі уақытта жанып тұрған газ құрылғыларын қараусыз қалдыруға болмайды. Сыртқы ауа температурасы төмендегенде мұржаның қызбауы себебінен су буы кристаллданып, мұржаның ішіне мұз қатып, түтіннің шығуына кедергі болады.

    Бұндай кезде толық жанбаған табиғи газ (улы газ) бөлмеге таралады. Сондықтан жылыту құрылғыларын жақпастан бұрын терезелерді ашып, бөлмені, от жағар орынды және мұржаны желдетіп алу қажет.

    Газ құрылғыларын жақпастан бұрын және жанып тұрған кезде міндетті түрде мұржадан түтіннің тартуын тексеріп отыру қажет.

    Тексерудің қиындығы жоқ. От жағар орынға жіңішке тегіс қағаз қиындысын жақындатыңыз. Егер қағаз қиындысы от бағытына қарай тартылса түтіннің тартуы қалыпы, ал егер тартылу байқалмаса түтіннің тартпай тұрғанын білдіреді. Егер пеш қалыпты (қалануы бұзылмаған, сылағы жарылмаған)болса алдымен тұтандырғышты жағып, тек содан кейін ғана негізгі жандырғыштың кранын ашып, жағыңыз.

    Өкінішке орай кейбір тұтынушылар қауіпсіздік мәселесіне немқұрайлы қарап, нәтижесінде өздері немесе туысқандары қайғыға ұшырап жатады.

    Тұрмыста газды пайдалану ережелерінің кейбір тармақтарын естеріңізге саламыз:

    - газ құрылғыларын өздігіңізден газ жүйесіне қосуға немесе жөндеуге, олардың орынын өзгертуге, пештердің сылағы жарылған кезде және мұржаларда түтін тартпай тұрған кезде газды пайдалануға тийым салынады;

    - жанып тұрған газ құрылғыларын қараусыз қалдыруға, әсіресе түнгі уақытта, болмайды. Салдарынан өрттер мен газ аралас ауаның жарылыстары болуы мүмкін;

    - мұржаны күйден және бөтен заттардан мезгілімен тазалап, оның бүтіндігін тексеріп отыру қажет;

    - бөлмеде газдың иісін сезсеңіз, есіктер мен терезелерді ашып, бөлмені желдету қажет, жарық пен электр құралдарын қоспаңыз және «104» телефон номерімен шұғыл түрде авариялық газ қызметін шақырыңыз.

    ҚР ҚН-ға және ҚР ҚНЕ-ге сәйкес газ падаланылатын орынжайларды табиғи және иісті газдың қауіпті концентрациялары артып кеткен жағдайда газ беруді автоматты түрде тоқтататын сигнал құрылғысымен міндетті түрде жабдықтау талап етіледі.

    Жүргізілген тексерістердің талдауы газды тұрмыста пайдаланумен байланысты қайғылы жағдайлардың көпшілігі пештердің ақауынан, мұржаларда түтіннің тартпауынан және жанып тұрған газ құрылғыларын қараусыз қалдыру себебінен болатынын көрсетіп отыр.

    Қазақстан Республикасының «Газ және газбен жабдықтау туралы» заңына сәйкес үйлер мен пәтерлерде жанып тұрған газ құрылғыларын қауіпсіз пайдалануға, олардың қалыпты жұмыс істеуіне иелері жауапты екенін есте сақтау қажет.

  • Дата публикации: 04/12/2019 - 12:34
    Мазмұны:

    07 желтоқсанда ауыл шаруашылығы өнімдерін сату бойынша жәрмеңке өтеді.

    Құрметті Байқоңыр қаласының және Ақай, Төретам елді мекендерінің тұрғындары!

    2019 жылы сағат 10.00-ден 16.00-ге дейін "Центральный" қонақ үйінің артында орналасқан алаңда Қазалы ауданы өкілдерінің қатысуымен ет, балық және ауыл шаруашылығы өнімдерін сату жәрмеңкесі өтеді.

     

Беттер

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика