• Дата публикации: 22/07/2019 - 15:42
    , , , ,
    Мазмұны:

    ҚЫЗЫЛОРДА ОБЛЫСЫНЫҢ ӘКІМІ «РОСКОСМОС» МЕМЛЕКЕТТІК КОРПОРАЦИЯСЫНЫҢ ДИРЕКТОРЫМЕН КЕЗДЕСТІ

    2019 жылдың 20 шілдесінде Қызылорда облысының әкімі Қуанышбек Ысқақов Байқоңыр қаласына жұмыс сапарымен болды. Онда «Роскосмос» мемлекеттік корпорациясының Бас директоры Дмитрий Рогозинмен кездесті және бірқатар әлеуметтік нысандардың жұмысымен танысты.

    Кездесу барысында Байқоңыр қаласының дамуына бағытталған әрі қарайғы ынтымақтастық және өзара келісім мәселелері талқыланды. Тараптар шілде айының соңында Мәскеуде өтетін «Байқоңыр» кешені бойынша үкіметаралық комиссияның VI отырысына облыс әкімдігі ұсынған мәселелерді енгізу туралы айтты. Сонымен қатар, Байқоңырдың ұзақ мерзімді даму бағдарламасына қол қою, кешенде еркін экономикалық аймақ құру, қала тұрғындарының баспанасын жекешелендіру, қалаға кіру тәртібін жеңілдету, коммуналдық қызмет тарифтерін төмендету, сондай-ақ білім беру стандарттарына қатысты мәселелер қарастырылды. Кездесудің қорытындысы бойынша тараптар кешенді мәселелерді талқылау және шешу үшін алдағы уақытта да осындай іскерлік кездесулерді ұйымдастыруға келісті.

    Аймақ басшысы алдымен 1200 орындық №277 орта мектепте болды. Содан соң облыс әкімі 7 мөлтек ауданында салынып жатқан 5 тұрғын үйдің үйдің құрылыс барысымен танысты.

    Қуанышбек Досмайылұлы жауапты тұлғаларға абаттандыру, қаланы газдандыру, инженерлік желілерді қайта жаңғырту және тұрғын үйлердің құрылысын одан әрі жалғастыруды тапсырды.

    «Тұрғын үйлердің ауласын абаттандырып, тиісті жұмыстарды тамыз айында аяқтау керек. Ең бастысы жұмыстар сапалы жүргізілсін»,-деді Қуанышбек Ысқақов.

    Келесі нысан - 120 орындық Байқоңыр қаласының көпбейінді ауруханасы. 2017 жылы пайдалануға берілген емдеу мекемесінің ғимаратында қабылдау бөлімі, жалпы терапия және қалпына келтіру бөлімшесі, күндізгі стационар, амбулаториялық емхана орналасқан. Мұнда тіркелген тұрғындардың: 26443 – ересектер, 14586 – балалар мен жасөспірімдер.

    Сонымен қатар, облыс әкімі «Нулевой квартал» қонақ үйіне және бұрынғы Байқоңыр медициналық техникум ғимаратына барып, қазіргі жағдайымен танысты. Оларды жалдан шығару және басқарманың теңгеріміне беру мәселелері талқыланды.

    «Жалдан шығару мәселесі бойынша және бос тұрған ғимараттарды жөндеп, пайдалану үшін тиісті ұсыныстар берілсін. Мәселені қарап, шешім қабылдаймыз»,-деп атап өтті облыс әкімі.

     

  • Дата публикации: 15/07/2019 - 20:30
    Мазмұны:

    2019  жылдың 11 шілдесінде сағат 11:00-де Қызылорда облыстық Қоғамдық кеңесінің кезекті отырысы өтті.

    Отырыста: 

    1) Байқоңыр қаласында тұратын ҚР азаматтарының әлеуметтік жағдайы және оларды қолдау мәселелері. Ресей Федерациясына қарасты мекемелерде жұмыс істеп, зейнетке шыққан ҚР азаматтарының Ресейлік жинақтаушы зейнетақы қорындағы қаржыларын алудағы орын алған проблемалар және оны шешу жолдары. Экологиялық апат аймағы тұрғындарының зейнеткерлік жасы мәселелері.

    2) Қызылорда облысы бойынша ересектер мен кәмелетке толмаған балалар арасында орын алған құқық бұзушылық фактілерінің туындау себептері және оның алдын алу шаралары туралы. Қызылорла облысы бойынша мектеп оқушыларының жазғы демалысын ұйымдастыру мәселелері қаралды.

    Бірінші мәселе бойынша ҚР Президентінің "Байқоңыр" кешеніндегі арнаулы өкілінің қызметін қамтамасыз ету басқармасының басшысы Ж. Абатов баяндама жасады. Ж. Абатов өз кезегінде Ресейлік мекемелерде жұмыс істейтін ҚР азаматтарына мекеменің атынан Ресейдің заңдарына сәйкес міндетті сақтандыру төлемдері аударылып отыратынын. Аталған жарналар қызметкердің табысынан емес, еңбекақы төлеу қорынан төленетінін хабарлады. 

    Сонымен қатар, басқарма басшысы қатысушыларды қаланың даму жоспарымен және басқарма жүргізіп жатқан жұмыстарымен таныстырды.

     

  • Дата публикации: 15/07/2019 - 20:29
    Мазмұны:

    2019 жылдың 08 шілдесінде  ХҒС-6061 экипажының Байқоңырда ХҒС ұшуға дайындықтың соңғы кезеңі өтті.

    4 шілдеде ХҒС-60/61 экипаждары Байқоңыр қаласына келді. 5 шілдеде Байқоңыр ғарыш айлағында Халықаралық ғарыш станциясына ұшуға "Союз МС-13" кемесінің негізгі және қосалқы экипаждарын дайындаудың қорытынды кезеңі басталды. 

    Роскосмостың хабарлауынша, ғарышкерлер мен астронавттар кіріспе нұсқаулықтан өтіп, скафандрларды тексергеннен кейін кемеге өтті. Мамандардың бақылауымен олар ғарышта жұмыс істейтін жабдықтарды тексеріп, борттық құжаттамамен танысты, ұшу бағдарламасын және станцияға жеткізуге жоспарланған жүктерді зерттеді.

    5 шілдеде техникалық басшылықтың отырысы болып өтті, онда зымыран отынының компоненттерімен және сығылған газдармен "Союз МС-13" кемесіне май құю туралы шешім қабылданды. 

    Сенбі, 6 шілде күні, "Космонавт" қонақ үйі ғимаратының алдында Халықаралық ғарыш стансасына (ХҒС) "Союз МС-13" кемесінің ұшуына қатысатын елдердің туын көтеру рәсімі өтті.Дәстүрлі іс-шараға негізгі және қосалқы экипажы қатысты. Ғарышкерлер Александр Скворцов пен Сергей Рыжиков Ресейдің туын, астронавттар Эндрю Морган мен Томас Машберн - АҚШ туын, Лука Пармитано - Италия Туын және Соичи Ногучи - Қазақстанның туын көтерді. 

    Іс - шараға "Роскосмос" мемлекеттік корпорациясының, Байқоңыр қаласы әкімшілігінің, "ЦЭНКИ" ФГУП филиалының өкілдері - "Южный" ғарыш орталығы, сондай-ақ, экипаждың ұшу алдындағы дайындығын қамтамасыз ететін. Ю. А. Гагарин атындағы ғарышкерлерді даярлау орталығының мамандары қатысты.

    Дәстүр бойынша, ту көтеру рәсімінен кейін (Сергей Рыжиков, Томас Машберн және СоичиНогучи) қосалқы құрам Байқоңырға экскурсияға аттанды. Гагарин саябағында қосалқы құрам мүшелерін қала әкімшілігінің басшылығы мен қызметкерлері, сондай-ақ балалар жасөспірімдер клубтарының тәрбиеленушілері қарсы алды. Қосалқы құрам мүшелері және қала әкімшілігі басшысының міндетін атқарушы Виктор Лопаткин Юрий Гагариннің ескерткішіне гүл қойды және монументтің жанында суретке түсті.

    Содан кейін экипаж атақты конструктор Сергей Королевты еске алып, Байқоңыр қалалық мұражайыында Байқоңыр ғарыш алаңының тарихымен танысты. 

    Негізгі экипаж құрамы ХҒС-60/61: ғарышкер Александр Скворцов, астронавттар - Лука Пармитано мен Эндрю Морган. Олардың қосалқы құрамы-ғарышкер Сергей Рыжиков, астронавтар Томас Машберн және Соичи Ногучи. 

    Байқоңыр ғарыш айлағынан "Союз-ФГ" зымыран-тасығышын "Союз МС-13" басқарылатын кемесімен ұшыру 2019 жылғы 20 шілдеге жоспарланған.

     

  • Дата публикации: 10/06/2019 - 15:40
    Мазмұны:

    Қазақстан Республикасы Президентінің 2019 жылғы 23 сәуірдегі №44 өкімімен Бахытжан Билялұлы Намаев Қазақстан Республикасы Президентінің «Байқоңыр» кешеніндегі арнаулы өкілі болып тағайындалды.

  • Дата публикации: 12/04/2019 - 16:50
    Ғарышкерлер күні
    Мазмұны:



    Құрметті байқоңырлықтар және қала қонақтары!



    Сіздерді Ғарышкерлер күнімен құттықтаймыз!

    Ғарышты игеру дәуірінің бастауы және ғылым жеңісінің шыңы болған бұл айтулы мереке күні Сіздерге денсаулық, сарқылмас қуат, барлық игі істеріңізге табыс тілейміз!

     

  • Дата публикации: 26/03/2019 - 12:24
    , , , ,
    Мазмұны:

    Байқоңыр қаласының орталық алаңында Наурыз мейрамы аталып өтті. Байқоңыр қаласы әкімшілігі Басшысының міндетін атқарушы В.В. Лопаткин мен Қармақшы ауданының әкімі С.Ы.Мақашов қала тұрғындары мен қонақтарын Наурыз мейрамымен құттықтап ізгі тілектерін жеткізді. Қазақ халқының дәстүрінде Ұлыстың ұлы күні-Наурыз мейрамының орны ерекше. Қала тұрғындары мен қонақтары Наурыз мейрамын көтеріңкі көңіл күймен қарсы алды. Орталық алаңда  ұлттық нақышта жабдықталған ақшаңқай киіз үйлер тігіліп, наурыз көже таратылып, ұлттық дәстүрлерден көріністер көрсетілді. Ата-бабадан жалғасқан салт-дәстүрлер тойбастар, тұсау кесер, көріністері қойылып, қалалық мәдениет үйі өнерпаздарының концерттік бағдарламасына жалғасты. Сонымен қатар, Наурыз мейрамы мен бірге орталық алаңда ауыл шаруашылығы өнімдерінің жәрмеңкесі өтті. Жәрменке барысында ассортиментте және қолжетімді бағамен ет өнімдері, балық, көкөніс, бірінші кезекте қажетті тауарлар сатылды.



     

  • Дата публикации: 28/02/2019 - 19:44
    Ту көтеру рәсімі,
    Мазмұны:

                Бүгін Байқоңырда Ю. А. Гагарин  атындағы  Ғылыми зерттеу институтының Ғарышкерлерді дайындау орталығының сынақ оқу-жаттығу кешенінде  "Союз МС-12" ХҒС-на ұзақ мерзімді экспедиция мен басқарылатын көлік кемесін (БКК) ұшыруға қатысатын елдердің туын көтеру рәсімі өтті.

               ҒДО жедел тобының жетекшісі Юрий Маленченко жалауларды көтеру экипаждарды ғарыштық ұшуға дайындаудың қорытынды кезеңін білдіреінін жеткізді.Негізгі экипаж мүшелері ғарышкер Алексей Овчинин, астронавттар Ник Хэйг, Кристина Кук және дублерлер Александр Скворцов, Лука Парметано және Эндрю Морган Ресей, АҚШ және Қазақстанның туларын көтерді.

               Байқоңыр қаласы Әкімшілігі Басшысының бірінші орынбасары Виктор Лопаткин, Байқоңыр ғарыш айлағындағы "РОСКОСМОС" мемлекеттік корпорациясы филиалының директоры Валерий Хачатурян, "Энергия" РБК бас конструкторының бірінші орынбасары Сергей Романов, ҚР Қорғаныс және аэроғарыш өнеркәсібі министрлігінің Аэроғарыш комитетінің «Байқоңыр» ғарыш айлағы басқармасының басшысы А.Бекішев, ҚР Президентінің «Байқоңыр» кешеніндегі арнаулы өкілінің қызметін қамтамасыз ету басқармасының басшысы Ж.Абатов экипаж мүшелеріне сәтті старт,  ХҒС-да жемісті жұмыс және Жерге сәтті оралуды тіледі.

               Бұдан әрі ғарышкерлер мен астронавттар жедел топтың қатысушыларымен және қонақтармен бірге дәстүрлі суретке түсті."Союз МС-12" ғарыш кемесінің ұшырылуы Байқоңыр ғарыш айлағының ("Гагарин старты") №1 алаңынан 14-нен 15 наурызға қараған түнге жоспарланған.





     

  • Дата публикации: 01/10/2018 - 18:39
    Мазмұны:

    1қазан күні Байқоңыр қаласы, Ардагерлер үйінде Қазақстан Республикасы Президентінің "Байқоңыр" кешеніндегі арнаулы өкілінің қызметін қамтамасыз ету басқармасының ұйымдастыруымен "Қарттарым - асыл қазынам" атты қарттар күніне арналған мерекелік іс-шара  болып өтті. Мерекелік іс-шараға Байқоңыр қаласы, Төретам кенті, Ақай ауылдық округінің ардагерлері, "Нұр Отан" партиясының Байқоңыр қаласы бойынша филиалы төрағасының орынбасары Б.Бекпанов, Байқоңыр қаласы әкімшілігі басшысының міндетін атқарушы Н.Адасев және аудандық мәслихат депутаттары қатысты. Басқарма басшысының міндетін атқарушы Ә.Қорғанбаев ардагерлерді мерекелерімен құттықтап, сыйлық табыс етті. Келген қонақтар да ардагерлерді мерекелерімен құттықтап, жылы лебіздерін білдірді. Соңы концертке ұласып, мерекелік дастарханда жалғасты. Ардагерлер өз ризашылықтарын білдіріп, баталарын берді.

  • Дата публикации: 07/09/2018 - 18:27
    Мазмұны:

        5 қыркүйек – Қазақстан халқы тілдерінің күні мерекесіне және әдебиет зерттеуші ғалым, ақын, педагог, қоғам қайраткері А.Байтұрсыновтың туған күніне орай Қазақстан Республикасы Президентінің «Байқоңыр» кешеніндегі арнаулы өкілінің қызметін қамтамасыз ету басқарма басшысының орынбасары М.К. Демесиновтің және "Қазақ тілі" қоғамдық бірлестігінің Байқоңыр филиалы төрағасы Алтруева Саламаттың ұйымдастыруымен, "АВС" оқу орталығының директоры Кабаргина Маржан Талғатқызының қатысуымен,  Байқоңыр қаласы, Төретам кенті мен Ақай  елді мекеніндегі 10 мектеп оқушыларының арасында мемлекеттік тілдің мәртебесін көтеру, қолдану аясын кеңейту  мақсатында «ҚазҒарышCапары» ғимаратының мәжіліс залында 2018 жылдың 6-7 қыркүйек күндері эссе жазу, мәнерлеп оқу, латын қарпінде көркем жазу, сурет салу, орыс, ағылшын тілдерінде мәнерлеп оқу байқаулары өткізіліп, жеңімпаз және жүлдегер атанған оқушылар мадақтамалармен марапатталды. Қазақ ақындарының  ағылшын тіліне аударылған өлеңдерін мәнерлеп оқуға қатысқан балаларға "АВС" оқу орталығының директоры кітапшалар сыйға тартты. Бұл шараға 3-11 сынып оқушылары қамтылды.

  • Дата публикации: 12/07/2018 - 10:36
    Мазмұны:

    2018 жылдың 10 шілде күні «Қазақстан Республикасы Президентінің «Байқоңыр» кешеніндегі арнаулы өкілінің қызметін қамтамасыз ету басқармасы», «Қызылорда облысының жұмыспен қамтуды үйлестіру және әлеуметтік бағдарламалар басқармасы» мемлекеттік мекемелері және «Байқоңыр қаласы бойынша халықты жұмыспен қамту» қазыналық мемлекеттік мекемесінің ұйымдастыруымен Байқоңыр қаласы қалалық мәдениет үйінде «Еңбек» нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасы аясында жұмыс күші жетіспейтін Солтүстік Қазақстан және Қостанай облыстарының «Солтүстік бос жұмыс орындары жәрмеңкесі» өткізілді. Аталған жәрмеңкеге жұмыс күші жетіспейтін өңірлерден жұмысшы тобы 14 адам, Байқоңыр қаласының, Төретам кентінің және Ақай ауылдық округінің жұмыссыз азаматтары мен тұрғындары барлығы 250-дей азаматтар қатысты. Нәтижесінде жұмыс күші жетіспейтін өңірлерге көшіп баруға 89 отбасы ниет білдірді. Ниет білдірген отбасылармен жұмыстар жүргізілуде.

Беттер

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика